ମାର୍କେଟକୁ ଆସିବ ଆକ୍ସନ ଫିଲ୍ମ ‘ଜେଲର ୨’ ଅକ୍ଟୋବର ୧୫ରେ

ଭୁବନେଶ୍ବର,୦୯/୦୭(ଜେଏନ୍‌ଏସ୍‌): ସୁପରଷ୍ଟାର ରଜନୀକାନ୍ତଙ୍କ ବହୁପ୍ରତୀକ୍ଷିତ ଆକ୍ସନ ଥ୍ରୀଲର ଚଳଚ୍ଚିତ୍ର ‘ଜେଲର ୨’ (Jailer 2) ଆସନ୍ତା ଅକ୍ଟୋବର ୧୫, ୨୦୨୬ (ଗୁରୁବାର) ଦିନ ସାରା ବିଶ୍ୱରେ ମୁକ୍ତିଲାଭ କରିବାକୁ ଯାଉଛି । ଦଶହରା/ପୂଜା ଛୁଟିର ଫାଇଦା ନେବା ପାଇଁ ପ୍ରଯୋଜନା ସଂସ୍ଥା ଏହି ବଡ଼ ପାର୍ବଣ ସମୟକୁ ରିଲିଜ୍ ପାଇଁ ବାଛିଛି । ପ୍ରଯୋଜନା ସଂସ୍ଥା ସନ୍ ପିକ୍ଚର୍ସ (Sun Pictures) ପକ୍ଷରୁ ଏକ ଦମଦାର ପ୍ରୋମୋ ଭିଡିଓ ସହ ଏହି ଅଫିସିଆଲ୍ ରିଲିଜ୍ ତାରିଖ ଘୋଷଣା କରାଯାଇଛି । ପ୍ରଥମ ଭାଗର ସଫଳତା ପରେ ଏହି ସିକ୍ୱେଲର ନିର୍ଦ୍ଦେଶନା ମଧ୍ୟ ନେଲସନ୍ ଦିଲୀପକୁମାର (Nelson Dilipkumar) ଦେଉଛନ୍ତି । ଯୁବ ସଙ୍ଗୀତ ନିର୍ଦ୍ଦେଶକ ଅନିରୁଦ୍ଧ ରବିଚନ୍ଦର (Anirudh Ravichander) ପୁଣିଥରେ ଫିଲ୍ମର ବ୍ୟାକଗ୍ରାଉଣ୍ଡ ସ୍କୋର ଓ ଗୀତ ପ୍ରସ୍ତୁତ କରୁଛନ୍ତି । କାହାଣୀକୁ ଅଧିକ ବଡ଼ ସ୍କେଲ୍‌ରେ ନିର୍ମାଣ କରିବା ପାଇଁ ସନ୍ ପିକ୍ଚର୍ସ (Sun Pictures) ଏଥିରେ ବିପୁଳ ପୁଞ୍ଜି ନିବେଶ କରିଛି ।

ରଜନୀକାନ୍ତ ପୁଣିଥରେ ନିଜର ଆଇକନିକ୍ ଚରିତ୍ର ‘ଟାଇଗର’ ମୁଥୁବେଲ ପାଣ୍ଡିଆନ୍ ଭୂମିକାରେ ନଜର ଆସିବେ । ରମ୍ୟା କୃଷ୍ଣନ (ବିଜୟା ପାଣ୍ଡିଆନ୍) ଏବଂ ଯୋଗୀ ବାବୁ ମଧ୍ୟ ଏହି ଭାଗରେ ଅଛନ୍ତି । ସିନେମାକୁ ପ୍ୟାନ୍-ଇଣ୍ଡିଆ ସ୍ତରରେ ଆକର୍ଷଣୀୟ କରିବା ପାଇଁ ବଲିଉଡ୍ ମେଗାଷ୍ଟାର ମିଥୁନ ଚକ୍ରବର୍ତ୍ତୀ ମୁଖ୍ୟ ଖଳନାୟକ ଭାବେ ଯୋଗ ଦେଇଛନ୍ତି । ଏହା ସହିତ ମୋହନଲାଲ୍, ଶିବ ରାଜକୁମାର ଏବଂ ଭିଜେ ସେଥୁପତିଙ୍କର କିଛି ଦମଦାର୍ ଏବଂ ଗୁରୁତ୍ୱପୂର୍ଣ୍ଣ କ୍ୟାମିଓ ରୋଲ୍ ରହିଛି ।